علامہ کے مشن کو فروغ دینا ہم سب کی مشترکہ ذمہ داری ہے:ابوہریرہ رضوی مصباحی
23 ستمبر بروز جمعرات کو مدرسہ اہل سنت نوراالاسلام، ڈرگی[رام گڑھ] میں بانی مساجد و مدارس کثیرہ رئیس القلم حضرت علامہ ارشد القادری علیہ الرحمہ کے عرس کے موقع پر ان کی بارگاہ میں خراج عقیدت پیش کیا گیا.
صبح قرآن خوانی ہوئی، اس کے بعد محفل کا آغاز حضرت حافظ و قاری عارف رضا صاحب نے تلاوت قرآن پاک سے کیا.
اس کے بعد نقیب اہل سنت حضرت منور سیفی صاحب نے علامہ علیہ الرحمہ کا تعارف پیش کیا، اور ان کی خدمات پر روشنی ڈالی.
اس کے بعد یکے بعد دیگرے
حضرت مولانا سنجر غوثی،حضرت حافظ آصف رضوی،حضرت صبا احمد صبا، حافظ عارف رضا اور آخر میں شاعر اہل سنت حضرت امجدرضا امجد نے اپنے مخصوص لبو لہجے میں کلام تاج الشریعہ اور منقبت علامہ کی شان پیش کیا.
بزم کی آخری کڑی حضرت مولانا ابوہریرہ رضوی مصباحی صاحب نے علامہ کی حیات و خدمات پر روشنی ڈالی اور طلبہ سے مخاطب ہوتے ہوئے انھیں ایک ہدف متعین کرنے کو کہا اور علامہ کے نقش قدم پر چلنے کے لیے ان کی کتابوں اور ان کی حیات کا مطالعہ کرنے کو کہا-اگر کچھ کرگزنے کا جذبہ ہے تو حضرت علامہ ارشد القادری علیہ الرحمہ کو اپنے لیے نمونہ عمل بنائیں انھیں اپنا رول ماڈل بنائیں.
صلاۃ و سلام کے بعد حضرت مولانا ابوہریرہ رضوی مصباحی کی دعا پر محفل کا اختتام ہوا.
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
