نعت رسول

نعت رسول: پڑھتی ہر اک زبان ہے میلاد مصطفی ٰ

نتیجہ فکر: فرید عالم اشرفی فریدی

کس درجہ مہربان ہے میلاد مصطفٰی
دنیا کا پاسبان ہے میلاد مصطفٰی

مہمان بن کے آئے ہیں دنیا میں ہم سبھی
اور سب کا میزبان ہے میلاد مصطفٰی

ہے فخر ہم سبھی کو شہہ دیں کی شان پر
ہم سب کا سائبان ہے میلاد مصطفٰی

خوشیاں مناؤں مومنو عشقِ رسول میں
مومن کے آن شان ہے میلاد مصطفٰی

حورو ملک کے لب پہ درودو سلام ہے
کس درجہ عالی شان ہے میلاد مصطفٰی

آمد ہے آج فرش پہ خیرالانام کی
پڑھتی ہر اک زبان ہے میلاد مصطفٰی

سارا جہاں یہ کہنے لگا آج جھوم کر
اہل سنن کی شان ہے میلاد مصطفٰی

ہلچل مچا دے آج فریدی تو بزم میں
بزم جہاں کی جان ہے میلاد مصطفٰی

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button