از اسیر ناموسِ رسالتﷺ،سید نعمان شاہ گیلانی رضوی
بے کسوں کے چارہ،اے مجبوروں کے سہارا
اے میرے ملجاء و ماوا وقت مدد ہے
۔
بحر ظلمات میں طلاطم خیز ہیں موجیں
اے کشتی امت کے ناخدا وقت مدد ہے
۔
کفر نے جال ڈالا،تیرے غلاموں کو مارا ڈالا
اے عیسیٰ کے بھی مسیحا وقت مدد ہے
۔
تیری ناموس کا پرچم لہرایا ہے جنہوں نے
مشکل وقت ہے ان پہ پڑا وقت مدد ہے
۔
ظالم ہے قوت میں اور مظلوم ہیں عاشق
اے ختم الرسل مختار نبی وقت مدد ہے
۔
تیرے نام پہ کر رہے ہیں جاں فدا تیرے عاشق
اے محبوب کائنات جان جاناں وقت مدد ہے
۔
اے والی طیبہ کے خدا،اے وحدہ لاشریک
اے احد،اے ارحم الراحمین وقتر مدد ہے
۔
خدایا بھیج میکائیل و نامزد ملائکہ
نازل کر اب ابابیلوں کو وقت مدد ہے
۔
تجھ سے فریاد ہے اے گنبدِ خضریٰ والے
جلد لے اپنے دیوانوں کی خبر وقت مدد ہے
۔
اے صدیق و عمر اے غنی و مولا علی
حل کریں مشکلات کہ وقت مدد ہے
۔
الہیٰ واسطہ تجھے سیدہ کی چادر تطہیر کا
سکینہ نازل کر اپنے بندوں پر وقت مدد ہے
۔
اے شاہسوار کربلا اے تاجدارِ اہل وفا
یا قاسم و یا عباس علمدار وقت مدد ہے
۔
ہم مجبور و محکوم ہیں یا نبی الله
آپ تو مالک بحر و بر ہیں وقت مدد ہے
۔
امت سے ہو جو بے خبر وہ آقا کیا ہے
اے عالم ما کان وما یکون وقت مدد ہے
۔
شرف کعبہ سے بڑھ کر ہے جس امتی کا لہو
وہ بہتا ہے سیل رواں اب وقت مدد ہے
۔
اے غم گسار جہاں اے والی کون و مکاں
اسیر تیرا کر رہا ہے التجاء وقت مدد ہے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
