محمد رمضان امجدی مہراج گنج
ہر طرف ہے نور چھایا آگئے ماہ عرب
قدسیوں نے گایا نغمہ آگئے ماہ عرب
نور سے ان کے منور ہیں ستارے چاند بھی
اور درخشاں ذرہ ذرہ آگئے ماہ عرب
منہ کے بل بت گر گیا کعبۃ اللہ پاک میں
آمنہ نے جب پکارا آگئے ماہ عرب
عید میلاد النبی پر کہہ اٹھے اہل جہاں
جام وحدت کا ہے پینا آگئے ماہ عرب
ہو مبارک اہل سنت آمنہ بی بی کے گھر
بن کے رحمت کا وہ دریا آگئے ماہ عرب
آ رہی ہے یہ صدا عرش اعظم سے سدا
ہوگیا ہر سو اجالا آگئے ماہ عرب
خوف محشر کا نہیں ہے عاصیوں کو امجدی
حشر کا بن کر سہارا آگئے ماہ عرب
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
