نعت رسول

نعت رسول: ساری عیدوں سے بڑی ہے عید میلاد النبی

نتیجہ فکر: سید اولاد رسول قدسی مصباحی
نیویارک امریکہ


ساری عیدوں سے بڑی ہے عید میلاد النبی
رب کی یہ وجہِ خوشی ہے عید میلاد النبی
اس میں ہے پیوست عشقِ سرورِ کون ومکاں
عاشقوں کی زندگی ہے عید میلاد النبی
اس حقیقت سے کوئی انکار کرسکتا نہیں
روح کی تابندگی ہے عید میلاد النبی
جب تلک ہے سانس باقی ہم مناتے جائیں گے
دل میں یوں رچ بس گئی ہے عید میلاد النبی
کون ہے کس میں ہے طاقت اس سے برگشتہ کرے
قلب میں گھر کرگئی ہے عید میلاد النبی
منکروں کو کیا پتہ اس میں ہیں کتنی برکتیں
فیض کی جلوہ گری ہے عید میلاد النبی
چشمِ بینا ہو تو دیکھو کیسے رب کی رحمتیں
دوجہاں میں بانٹتی ہے عید میلاد النبی
جب کوئی چھیڑے تو کہنا اس بےخوف وخطر
ہاں مری دیوانگی ہے عید میلاد النبی
تم رہو ابلیس کے ہمراہ دردوغم میں چور
ہم کو بےخود کررہی ہے عید میلاد النبی
جب کوئی مانگے دلیل اس کی تو قدسیؔ برملا
کہہ دو سنت ہے خدا کی عید میلاد النبی

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

Back to top button