خیال آرائی: فیضان علی فیضان، پاکستان
کسی کو دل میں سمونا بہت ضروری ہے
شکستہ ہو یہ کھلونا بہت ضروری ہے
درست ،عشق سے پرہیز کرنا ہے یارو
مگر یہ حادثہ ہونا بہت ضروری ہے
ہنسی ہنسی میں یہ مجھ سے ہے کہہ دیا اس نے
کبھی کبھار کا رونا بہت ضروری ہے
اِسی سے رہتی ہے قائم سدا محبَّت بھی
فراقِ یار کا ہونا بہت ضروری ہے
ضروری آپ کا ملنا ہے،کہہ دیا میں نے
مگر یہ تم بھی کہو نا بہت ضروری ہے
فیضان وجود میرا ضروری نہیں ہے میرے لیے
مگر یہ آپ کا ہونا بہت ضروری ہے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
