قسمت سکندرپوری یو پی انڈیا
لاش کو لاس کر دیا اس نے
ستیا ناس کر دیا اس نے
پاس کو فیل جب نہ کر پایا
فیل کو پاس کر دیا اس نے
رام کو چھوڑ, لکشمن کے نام
غم کا بنواس کر دیا اس نے
جھوٹ سچ میں ملا کے ملیامیٹ
سارا اتیہاس کر دیا اس نے
ایک ہی سانس میں خسرکی کمر
توڑ کر ساس کر دیا اس نے
دل سے اچھا برا سمجھنے کا
ختم احساس کر دیا اس نے
مفت دے کر اناج سوامی کو
پیار سے داس کر دیا اس نے
کتناشاطرتھا دوسروں کی طرف
اپنی, بکواس کر دیا اس نے
لفظ کو ہیر پھیر کر قسمت
آس تھا یاس کر دیا اس نے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
