سیدنا احمد کبیر رفاعی منقبت

منقبت: آل شاہ دوجہاں ہیں حضرتِ احمد کبیر

نتیجۂ فکر: سید اولاد رسول قدسی مصباحی

آل شاہ دوجہاں ہیں حضرتِ احمد کبیر
قالبِ مدحت کی جاں ہیں حضرتِ احمد کبیر

آتے ہیں آتے تھے آتے ہی رہیں گے زائرین
خلق کی وجہِ اماں ہیں حضرت احمد کبیر

چاہیں ہوں حالات کچھ بھی ہم نہ بھولیں گے انہیں
قلب میں جلوہ فشاں ہیں حضرت احمد کبیر

زندگی کا لمحہ لمحہ سنتوں کا آئنہ
قرب خالق کے نشاں ہیں حضرت احمد کبیر

جس کو آقا نے نوازا راضۂ پرنور سے
ایسے مہر عز و شاں ہیں حضرت احمد کبیر

آسمان زہد و تقوی کے ہیں وہ بدر منیر
رفعتوں کے کارواں ہیں حضرت احمد کبیر

حسن سیرت سے مہک اٹھّے قلوب سامعین
یوں گل رشد و بیاں ہیں حضرت احمد کبیر

پاسبان و مقتدا ہیں اولیاء اللہ کے
عظمتوں کے سائباں ہیں حضرت احمد کبیر

کیا بگاڑیں گی تمھارا درد و غم کی آندھیاں
تم پہ قدسیؔ مہرباں ہیں حضرت احمد کبیر

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!

ہماری آواز
ہماری آواز؛ قومی، ملی، سیاسی، سماجی، ادبی، فکری و اصلاحی مضامین کا حسین سنگم ہیں۔ جہاں آپ مختلف موضوعات پر ماہر قلم کاروں کے مضامین و مقالات اور ادبی و شعری تخلیقات پڑھ سکتے ہیں۔ ساتھ ہی اگر آپ اپنا مضمون پبلش کروانا چاہتے ہیں تو بھی بلا تامل ہمیں وہاٹس ایپ 6388037123 یا ای میل hamariaawazurdu@gmail.com کرسکتے ہیں۔ شکریہ
http://Hamariaawazurdu@gmail.com

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے