متفرقات

ایم۔بی۔ایم۔سی۔ کا اگلا میئر یا تو کانگریس سے ہوگا یا اس کی حمایت یافتہ سے ہوگا: اسلم شیخ

بھیندر: ہماری آواز(صدیقی محمد اویس)13جنوری// میرا بھائیندر شہر (ضلع) کانگریس کمیٹی کی جانب سے نئے عہدیداران کے تقرر کے لئے پروگرام کا انعقاد کیا گیا۔

"نئے داخل ہونے والے کانگریس پارٹی کے کارکنوں اور پوسٹ ہولڈروں کے حوصلے اور اعتماد کو بڑھاوا دیتے ہوئے مہاراشٹر حکومت کے کابینہ وزیر اسلم شیخ نے کہا کہ ان کا اندازہ ہے کہ میرا بھائیندر میونسپل کارپوریشن کا اگلا میئر یا تو انڈین نیشنل کانگریس کا ہوگا یا کانگرس پارٹی کی حمایت سے ہوگا۔”

کانگریس پارٹی نے بھائیندر (مغرب) کے پنڈت بھیمسن جوشی اسپتال کے قریب، اگروال گراؤنڈ میں کارکنوں کی میٹنگ اور عہدوں کی تقسیم کے پروگرام کا اہتمام کیا۔ پارٹی نے اگلے سال اگست میں ہونے والے میونسپل کارپوریشن انتخابات کے لئے مہم کا آغاز کیا۔ انہوں نے شہر کے باشندوں سے مطالبہ کیا کہ وہ ترقی کو آگے بڑھانے کے لئے پارٹی کو اپنا تعاون فراہم کریں۔

کابینہ وزیر نے کانگریس میں تنظیمی تبدیلیوں کا اشارہ کرتے ہوئے یہ یقین دہانی کرائی ہے کہ ریاستی اکائی بڑے پیمانے پر کانگریس کارکنوں اور عوام کی خواہشات کے مطابق ہوگی۔ “کانگریس پارٹی میں ایک حیات نو کی طاقت ہے۔ اور ہم بہت جلد اُبھریں گے۔ عوام اس بات کو سمجھتے ہیں اور انتخابات میں تجربہ کار پارٹی کا انتخاب کرتے ہیں، "اسلم شیخ نے مزید کہا۔

مذکورہ پروگرام میں کئی پرانے لیڈران و کارکنان نے کانگریس میں واپسی بھی کی، جو بی جے پی اور این سی پی وغیرہ میں شامل ہوگئے تھے۔ ریاستی کانگریس کمیٹی کے ورکنگ صدر مظفر حسین کی موجودگی میں تمام لیڈران کی گھر واپسی ہوئی اور انکا خیر مقدم کیا گیا۔ اس موقع پر مظفر حسین نے واپس آئے تمام کارکنان کو مبارکباد پیش کی اور حوصلہ افزائی کی۔

کارکنان سے ملاقاتیں اور عہدوں کی تقسیم

کانگریس پارٹی نے اس ’میڈوا‘ میں تقریبا 350 کانگریس کارکنوں کے عہدے پر تقرری اور تبادلہ کیا ہے۔ اگروال گراؤنڈ میں منعقدہ اس پروگرام میں تقریبا 250 نئے کارکن 130 سال پرانی پارٹی میں شامل ہوئے ہیں۔

پروگرام میں ریاستی کابینہ وزیر اسلم شیخ، ریاستی کانگریس کمیٹی کے ورکنگ صدر مظفر حسین، کانگریس کے ضلع صدر پرمود ساونت، یوتھ کانگریس کے صدر دیپ کاکڑے اور دیگر لیڈران، کارپوریٹرز اور عہدیداران موجود تھے۔

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!

ہماری آواز
ہماری آواز؛ قومی، ملی، سیاسی، سماجی، ادبی، فکری و اصلاحی مضامین کا حسین سنگم ہیں۔ جہاں آپ مختلف موضوعات پر ماہر قلم کاروں کے مضامین و مقالات اور ادبی و شعری تخلیقات پڑھ سکتے ہیں۔ ساتھ ہی اگر آپ اپنا مضمون پبلش کروانا چاہتے ہیں تو بھی بلا تامل ہمیں وہاٹس ایپ 6388037123 یا ای میل hamariaawazurdu@gmail.com کرسکتے ہیں۔ شکریہ
http://Hamariaawazurdu@gmail.com

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے