مولود کی گھڑی ہے آتے ہیں نور والے ﷺ

مولود کی گھڑی ہے آتے ہیں نور والے ﷺ
بھینی ہوا چلی ہے آتے ہیں نور والے ﷺ

چرچا گلی گلی ہے آتے ہیں نور والے ﷺ
خیرات بٹ رہی ہے آتے ہیں نور والے ﷺ

خوشیوں میں ہر کلی ہے آتے ہیں نور والے ﷺ
دل کی کلی کھلی ہے آتے ہیں نور والے ﷺ

گلیاں سجی ہوئی ہے رستے سجے ہوئے ہیں
رحمت کی روشنی ہے آتے ہیں نور والے ﷺ

اے آمنہ مبارک آگن میں آج تیرے
رحمت برس رہی ہے آتے ہیں نور والے ﷺ

جن و بشر ملایک خوشیاں منا رہے ہیں
سب کو یہی خوشی ہے آتے ہیں نور والے ﷺ

دائی حلیمہ تیری بیمار اونٹنی بھی
کیا خوب دوڑتی ہے آتے ہیں نور والے ﷺ

روشن ہے سارا عالم اک نور کا سماں ہے
سب نور نور ہی ہے آتے ہیں نور والے ﷺ

محبوب کبریا ﷺ کی سلطان انبیاء ﷺ کی
تشریف آوری ہے آتے ہیں نور والے ﷺ

مہکا ہے سارا گلشن کلیاں کھلی ہوئی ہیں
ہر گل پہ تازگی ہے آتے ہیں نور والے ﷺ

دھرتی سے آسماں تک بس نور کا ہے سایہ
برسات نور کی ہے آتے ہیں نور والے ﷺ

آتش کدہ ہے ٹھنڈا، بت منہ کے بل گرے ہیں
ہر بت میں کپکپی ہے آتے ہیں نور والے ﷺ

شاہد سلام ان پر جن پر فدا یہ عالم
جن سے یہ روشنی ہے آتے ہیں نور والے ﷺ

ازقلم: محمد شاہد رضا رضوی

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!