منقبت غوث اعظم جیلانی رضی اللہ عنہ

سلطان الاولیاء، غوث الثقلین، محبوب سبحانی، قطب ربانی، پیران پیر دستگیر، حضرت سیدنا غوث الاعظم شیخ سید محی الدین ابو محمد عبد القادر جیلانی حسنی حسینی حنبلی رضی اللہ عنہ

تیری نرالی شان ہے بغداد والے پیر
تجھ پر فدا جہان ہے بغداد والے پیر

ہستی تری مہان ہے بغداد والے پیر
ہر سو ترا بکھان ہے بغداد والے پیر

یہ کیسا امتحان ہے بغداد والے پیر
مشکل میں میری جان ہے بغداد والے پیر

تجھ سے ہی میری عزت و عظمت ہے میرے شاہ
میری تو آن بان ہے بغداد والے پیر

گردن پہ سارے ولیوں کے شاہا ترا قدم
کیا اونچی تیری شان ہے بغداد والے پیر

تم پہ فدا اے زینتِ گلزار مصطفیٰ
شاہد رضا کی جان ہے بغداد والے پیر

ازقلم: محمد شاہد رضا رضوی

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!