17 رمضان المبارک یوم وصال زوجۂ خیر البشر دختر صدیق اکبر ام المومنین سیدہ طیبہ طاہرہ عابدہ حافظہ عائشہ صدیقہ رضی اللہ تعالیٰ عنہ
ازقلم: محمد شوقین نواز شوق فریدی
خانقاہ فریدیہ جوگیا شریف کھگڑیا بہار انڈیا
+919931491182
تیری عظمت کروں کیا بیاں عائشہ
تو حبیبِ خدا کی ہے جاں عائشہ
خود گواہ بنا تیری تقدیس کا
مالک خالق کل جہاں عائشہ
تیرے بابا شہِ انبیا ٕ کے ہیں یار
اور تو مومنوں کی ہے ماں عائشہ
تو ہے ہمراز سردار کون و مکاں
تجھ سے کچھ بھی نہیں ہے نہاں عائشہ
تو ہے صدیقہ صدیق کی لاڈلی
تیری خاطر ہے باغ جناں عائشہ
آپ کے در سے خالی نہ لوٹا کوئی
آپ کی ہے سخاوت عیاں عائشہ
حشر میں بخشوانا خدا سے مجھے
صدقۂ شاہ کون و مکاں عائشہ
صدقۂ پنجتن کیجیے اب کرم
آپ کے در سے جاؤں کہاں عائشہ
تیری تعریف شوقِ فریدی کرے
اس میں ایسی کہاں ہے زباں عائشہ
