خیال آرائی: فیضان علی فیضان، پاکستان
تیری الجھن مجھے بتا کیا ہے
تیری بیماری کی دوا کیا ہے
پوچھو فرہاد اور مجنوں سے
دل سے دل تک کا راستہ کیا ہے
فتنہ پھیلا کے بن گیا معصوم
واہ قاتل تیری ادا کیا ہے
کوئی جانا نہ جان پاۓ گا
میری تقدیر میں لکھا کیا ہے
عیب اوروں کے آپ گنتے ہیں
دیکھو کہتا ہے دوسرا کیا ہے
دھول چہرے کی صاف کر پہلے
صاف کرتا ہے آئینہ کیا ہے
بات دل کی نہ دل میں رکھ فیضان
خود بتا دے تو چاہتا کیا ہے
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
