غزل: یورش درد کی کوئی تسخیر ڈھونڈھ

الدال علیٰ خیر کفاعلہ (شیئر کریں)

نتیجۂ فکر: سید اولاد رسول قدسی مصباحی
نیو یارک امریکہ

یورش درد کی کوئی تسخیر ڈھونڈ
امن کے کارواں کے لئے میر ڈھونڈ

کر گزرنے کی تجھ میں ہے قدرت اگر
تیرگی کے محل میں تو تنویر ڈھونڈ

کاٹ کر رکھ دے جو گردن کذب کو
صدق و اخلاص کی ایسی شمشیر ڈھونڈ

تلخ باتوں میں تیری رہے چاشنی
یوں زباں کے لئے شہدتا شیر ڈھونڈ

جس سے کایا پلٹ جائے افکار کی
انقلاب آفریں ایسی تحریر ڈھونڈ

روئے اسلاف جس میں ہو جلوہ طراز
آئینے میں تو اپنی وہ تصویر ڈھونڈ

ہوں اثر آفرینی پہ الفاظ گم
بزم میں ایسا انداز تقریر ڈھونڈ

پرورش میں تری رہ نہ جائے کمی
بہرِ اطفال تادیب کا شیر ڈھونڈ

سینۂ ظلم پر سیدھے جا کر لگے
قدسی ایسا نکیلا کوئ تیر ڈھونڈ

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

یہ آئی بہار عید کے دن

ہے کانپور میں یہ آئی بہار عید کے دنخوشی سے چہروں پہ آیا نکھار عید …

جواب دیں

آپ کا ای میل ایڈریس شائع نہیں کیا جائے گا۔