مالیگاؤں: نوری مشن سے کتاب ’’امام اور مقتدی‘‘ اور ’’دائمی تقویم‘‘ کی تقسیم

مالیگاؤں: 1اپریل، ہماری آواز(پریس ریلیز) [۱] دائمی تقویم: ایک مدت قبل مولانا تفویض احمد رضوی نے مالیگاؤں کے لیے اوقاتِ صلوٰۃ کی دائمی تقویم تیار فرمائی تھی؛ جس کی اشاعت نوری مشن نے کی۔ الحمدللہ! ۲؍ ایڈیشن شائع ہوئے۔ بِلاقیمت مساجد میں پہنچائی گئی- مالیگاؤں کے اطراف کی مساجد میں بھی یہی تقویم آویزاں ہے۔ بحمدہٖ تعالیٰ نوری مشن و اعلیٰ حضرت ریسرچ سینٹر نے دائمی تقویم کا تیسرا ایڈیشن شائع کر دیا ہے۔ مساجد و مدارس کے لیے بِلاقیمت مدینہ کتاب گھر (مدینہ مسجد مالیگاؤں) سے مہیا ہے۔ مالیگاؤں و اطراف کی وہ مساجد جہاں اب تک دائمی تقویم نہیں پہنچی؛ ان کے ذمہ داران/ائمہ کرام تقویم حاصل کریں۔ نیز نئی مساجد کے لیے بھی تقویم حاصل کریں-
[۲] ’’امام اور مقتدی‘‘ یہ کتاب احکامِ مساجد و نظامِ مساجد سے متعلق بڑی عام فہم،مدلل، جامع ہے۔ مسائل و احکام اسلامی کا مرقع ہے- جسے مصلح قوم مولانا تطہیر احمد بریلوی نے قلم بند فرمایا ہے۔ ماہ رمضان المبارک کی مناسبت سے مالیگاؤں کی مساجد اہلسنّت کیلئے تحفتاً پیش کی جا رہی ہے- ائمہ مساجد و منتظمین مساجد سے گزارش ہے کہ کتاب کو نوری مشن کے ذمہ داران سے یا مدینہ کتاب گھر مدینہ مسجد مالیگاؤں سے حاصل کریں۔ واضح ہو کہ یہ کتاب علامہ محمد عبدالمبین نعمانی قادری کی فرمائش اور جناب مصطفیٰ آفندی سر کے ایما پر تقسیم کی جا رہی ہے۔

٭ نوری مشن-اعلیٰ حضرت ریسرچ سینٹر مالیگاؤں

تازہ ترین مضامین اور خبروں کے لیے ہمارا وہاٹس ایپ گروپ جوائن کریں!

آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!