از قلم : نادر صدیقی
رسول پاک کے پہلو میں ہے قیام عمر
یہ لوگ پھر بھی سمجھتے نہیں مقام عمر
وہ نصف دنیا کا حاکم ، وہ نامئ انصاف
جہاں میں کون ہوا ثانئ امام عمر
زمانہ آج بھی انصاف کو ترستا ہے
” زمانہ آج بھی ہے طالب نظام عمر “
عمر تو میرے نبی کی دعا کا ثمرہ ہے
کہاں فقیر یہ مجھ سا کہاں مقام عمر
مرا تو دین ہے الفت کا ، احترام کا دین
مری طلب ہے علی میں ، مری دعا میں عمر
میں کیسے ان سے مراسم کو استوار کروں
کہ وہ ہیں شمر کی اولاد ، میں غلام عمر
کسی جگہ سے عزازیل کو بھگانا ہو
بس ایک نام ہی کافی ہے ، ایک نام عمر
مری دعا ہے وہ آتش نصیب ہو نادر
دراز جو بھی زباں ہو براۓ نام عمر
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
