منقبت امام حسین رضی اللہ تعالٰی عنہ

الدال علیٰ خیر کفاعلہ (شیئر کریں)

ازقلم : محمدجیش خان نوری امجدی مہراجگنج

کس ادائے دلبری سے سر کٹایا ریت پر
اپنے نانا سے کیا وعدہ نبھایا ریت پر

کربلا میں دین احمد کو بچانے کے لئے
"آل اطہر نے لہو اپنا بہایا ریت پر”

ہے علی کا لاڈلا ظالم تمہارے ہاتھ پر
کر نہیں سکتا ہے بیعت یہ بتایا ریت پر

فاطمہ کے دل کی دھڑکن قلب حیدر کا سکوں
صبر کس کو کہتے ہیں جس نے دکھایا ریت پر

آب کے بدلے حسین ابن علی کے لال کا
ظالموں نے دشمنی میں خوں  بہایا ریت پر

دیکھ کر ظالم یزیدی مخمصے میں پڑ گئے
کلمہء توحید جب حر کو پڑھایا ریت پر

حشر تک کھلتا رہے گا گلستان عشق و کیف
کربلا میں جس کا اک پودا لگایا ریت پر

خوں کے آنسو رو رہا تھا آسماں بھی اس گھڑی
ظالموں  نے  جس  گھڑی  ان کو ستایا ریت پر

ذوالفقار حیدری سے ابن حیدر نے وہاں
مار کر ظالم یزیدوں کو سلایا ریت پر

مدحتِ  ابن   علی   کرتے   رہو  نوری  سدا
تیرے ایماں کو بھی سید نے بچایا ریت پر

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

آنکھ ہےگِریاں ترے لیے

حضرت مفتی نظام الدین نوری نوراللہ مرقدہ کی یاد میں تڑپتے ہوئے دل کی آواز …

جواب دیں

آپ کا ای میل ایڈریس شائع نہیں کیا جائے گا۔