منقبت: بارگاہ غوث کا ہراک گدا سلطان ہے

عاشقوں کا یہ عقیدہ اور یہی ایمان ہے
بارگاہ غوث کا ہراک گدا سلطان ہے

آپ ولیوں کےولی ہیں آپ ہیں روشن ضمیر
غوث اعظم آپ کارتبہ بڑاذیشان ہے

چور کو ابدال، ڈاکو کو بنایا باصفا
غوث کے فیضان سے مردے میں آئی جان ہے

مصطفے سے اور خداسے غوث اعظم ہیں قریب
غوث کاجو ہو گیا وہ خلد کا مہمان ہے

غم نہ کوئی خوف کرتے ہیں خدا والے کبھی
یہ حقیقت ہے یہی تو کہ رہا قرآن ہے

اشرفی ہو یا کہ چشتی یا نظامی صابری
دیکھیئے جس سمت چھایا قادری فیضان ہے

قادری کر،قادری رکھ،کاش دلبر یہ پڑھے
اک ترا ننہا سا جو نورِ نظر سمنان ہے