منقبت

منقبت: کرو ہم سب کی اب امداد یا غوث

نتیجہ فکر: محمد اشرفؔ رضا قادری
مدیر اعلی سہ ماہی امین شریعت

مدد کا وقت ہے فریاد یا غوث
کرو ہم سب کی اب امداد یا غوث

گناہوں کے سمندر میں گھرا ہوں
بیاں کیسے کروں روداد یا غوث

جو دشمن ہیں نبی کے اولیا کے
کرو تم ان کا گھر برباد یا غوث

تیری یادوں میں ایسا گم رہوں میں
نہ پھر آئے کسی کی یاد یا غوث

تمہاری منقبت جب بھی پڑھوں میں
ملے سب سے مبارک باد یا غوث

سجائی جا رہی ہے ہر کسی کے
گھروں میں محفلِ میلاد یا غوث

بچا لو مکرِ شیطاں سے مجھے تم
کہ تکتے ہیں مجھے صیاد یا غوث

خصوصی ہو کرم اشرفؔ رضا پر
یہیں سے دیکھ لے بغداد یا غوث

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے