ہماری آواز مذہبی،ملی،قومی،سیاسی،سماجی،ادبی،فکری و اصلاحی مضامین، شعروشاعری اور سچی خبروں کا حسین سنگم
Related Articles
دہلی: 23 اگست، ہماری آواز(پریس ریلیز)
جنتر منتر پر فرقہ پرست طاقتوں کے ذریعہ گزشتہ 8 اگست کو اللہ و رسول اور مذہب اسلام و مسلمین کی شان میں ہوئی بھدی گستاخیوں کے پیش نظر فوری کارروائی کے مطالبہ میں ملک کی سرگرم عمل تنظیم تحریک فروغ اسلام نے تمام مسلمانوں کو یکجا کر اسی مقام (جنتر منتر) پر احتجاجی مظاہرہ کا اعلان کیا تھا، جس کے مطابق آج یعنی 24 اگست کو جنتر منتر پر ملک کے گوشہ گوشہ سے مسلم افراد پہنچ کر احتجاجی مظاہرہ میں شریک ہونے والے ہیں۔ مگر اس سے قبل کل شام کو تحریک کے بانی حضرت قمر غنی عثمانی صاحب سمیت 4 اہم ذمہ داران کو پولیس نے ڈیٹین کرلیا۔ واضح ہو کہ بانی تحریک کے علاوہ تحریک کے لیگل ہیڈ احسان الحق رضوی، مولانا شمس الہدی رضوی، نعمان شیخ رضوی کو تحریک کے آفس سے نزدیکی ویلکم پولیس اسٹیشن کبیر نگر لے جایا گیا تھا، جہاں کیا بات ہوئی واضح نہیں ہوسکا مگر کچھ وقت بعد بانی تحریک کو چھوڑ دیا گیا جس کے بعد تحریک کے دفتر میں پولیس اہل کاران اور بانی تحریک کے درمیان زبانی کشیدگی بھی دیکھنے کو ملی۔
تاہم تحریک کے قومی نائب صدر مولانا آصف رضا برکاتی نے ملک کے مسلمانوں سے اپیل کرتے ہوئے کہا ہے کہ "کل کا پروٹیسٹ ضرور ہوگا جو لوگ جہاں جہاں سے بھی آرہے ہیں وہ آئیں ان شاء اللہ پروٹیسٹ لیڈران بی ٹیم ضرور اپنے وقت پر پہنچے گے۔”
