نعت رسول

نعت لکھنے سے ہوا کیسا منور کاغذ

محمد اشرفؔ رضا قادری
مدیر اعلی سہ ماہی امین شریعت

نعت لکھنے سے ہوا کیسا منور کاغذ
تم نے دیکھا ہے کہیں ایسا حسیں تر کاغذ

غیر معمولی بنا دیتی ہیں اس کو نعتیں
یوں تو بازار سے لاتا ہے سخنور کاغذ

وصفِ سرکار رقم کرنا ہے جبریل امیں
اپنے دفتر سے عطا کیجے اٹھاکر کاغذ

کرتا وصفِ کفِ پائے شہِ کونین رقم
دفتر گل کا اگر ہوتا میسر کاغذ

رب کے محبوب کی توصیف و ثنا ہو جس میں
دفتر دہر میں ہے سب سے وہ بہتر کاغذ

کلفتیں دور ہوئیں پائی جگر نے ٹھنڈک
رکھ لیا نامِ نبی لکھ کے جو دل پر کاغذ

جس پہ لکھا تھا کبھی دل سے درود اور سلام
کام آیا وہی اشرفؔ سرِ محشر کاغذ

ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

متعلقہ مضامین و خبریں

جواب دیں

اسے بھی ملاحظہ کریں
Close
Back to top button