نعت رسول: ہوں ہند میں بے قرار آقا

الدال علیٰ خیر کفاعلہ (شیئر کریں)
بر زمین رضؔا بریلوی
محمد اشرفؔ رضا قادری
مدیرِ اعلی سہ ماہی امین شریعت

ملے سکون و قرار آقا
ہیں رنج و غم بے شمار آقا

چَھٹیں مصیبت کی بدلیاں اب
اے شاہِ عالی وقار آقا

عطا ہو علم و ادب کی دولت
اے صاحبِ اقتدار آقا

ہر ایک شے پر جہاں کی حاصل
ہے آپ کو اختیار آقا

گنہ کی گٹھری ہے سر پہ بھاری
بخیر پُل سے اتار آقا

بلا لو شہرِ مدینہ جلدی
ہوں ہند میں بے قرار آقا

خدا سے کر دیں مری سفارش
شفیعِ روزِ شمار آقا

برائے امّت، برائے ملت
تھے روتے زار و قطار آقا

صحابہ و تابعین سارے
تمہارے ہیں جاں نثار آقا

شبِ الم کا طلوع ہو دن
حیاتِ اشرفؔ سنوار آقا

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

سلام در شان سلطان انبیاء

اللہ کے حبیب و پیمبر پہ ہو سلامسلطان انبیاء پہ ہو، سرور پہ ہو سلام …

جواب دیں

آپ کا ای میل ایڈریس شائع نہیں کیا جائے گا۔