نتیجہ فکر: فرید عالم اشرفی فریدی
رہے دل میں گر عشق و الفت ہمیشہ
کریں گے شہہ دیں عنایت ہمیشہ
کرے اپنی ماں کی جو خدمت ہمیشہ
اسے ہوگی حاصل ہدایت ہمیشہ
کلام الہی میں فرمان ہے یہ
کرو مصطفٰی سے محبت ہمیشہ
جو ذکر شہ دیں میں ڈوبا ہوا ہے
نبی کی ہے اس پر عنایت ہمیشہ
ہیں جتنے بھی گستاخ آقا جہاں میں
اٹھاتے رہیں گے ندامت ہمیشہ
بِتا دیجئے زندگی راہ حق پر
کریں گے شہ دیں سخاوت ہمیشہ
نبی کی محافل سجانے کی خاطر
لٹائیں گے ہم مال و دولت ہمیشہ
اگر چاہتا ہے سکوں قلب کو تو
فریدی کر آقا کی مدحت ہمیشہ
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
