کرو سماج کی خدمت زکوٰۃ دیتے رہو
ہے یہ اصول جماعت زکوٰۃ دیتے رہو
تمھیں غریب نوازیں گے سب دعاؤں سے
بڑھے گا نفع تجارت زکوٰة دیتے رہو
کتاب رب میں ملا حکم رب کا کتنی بار
ملےگی گھر میں بھی برکت زکوٰۃ دیتے رہو
جو مستحق ہیں انھیں ڈھونڈو اور مدد بھی کرو
گھٹے گی ملک سے غربت زکوٰة دیتے رہو
خدا نے ذکر کیا اس کا بھی نماز کے ساتھ
ہے ظاہر اس سے فضیلت زکوٰة دیتے رہو
مہ صیام میں نیکی میں ضرب ہوتا ہے
ہے وقت کتنا غنیمت زکوٰۃ دیتے رہو
نکالنا ہے تمھیں” عینی "ڈھائی فیصد بس
کرم ہے رب کا نہایت زکوٰۃ دیتے رہو
از: سید خادم رسول عینی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
