نور علم کے حصول کے لیے گناہوں کا ترک ناگزیر: مفتی نظام الدین احمد نوری

الدال علیٰ خیر کفاعلہ (شیئر کریں)

دارالعلوم اہل سنت بحرالعلوم خلیل آباد میں جشن ختم بخاری کا انعقاد

سنت کبیر: 4اپریل، ہماری آواز(نامہ نگار)
دارالعلوم اہل سنت بحرالعلوم خلیل آباد سنت کبیر نگر میں کل جشن ختم بخاری وجشن دستار فضیلت وحفظ کے بابرکت موقع پربڑے ہی تزک واہتمام کے ساتھ ادارہ کے پرنسپل مولانا حشم اللہ صاحب تدریسی کے زیرصدارت ایک شاندار جلسہ کا انعقاد ہوا۔جب کہ نظامت مولانا راشد علی نظامی نے کی ۔ مرکزی درسگاہ دارالعلوم فیض الرسول براوں شریف کے سینیئر استاذوخطیب اعظم ہندوستان حضرت مفتی نظام الدین احمد نوری صاحب نے خصوصی شرکت کی اور دن میں چار بجے فارغ ہونے والے طلبہ کے سامنے امام بخاری رحمة اللہ کی حیات وخدمات پر مختصر مگر جامع روشنی ڈالتے ہوئے بخاری شریف کی پہلی اور آخری حدیث کا درس دیا۔حضرت نے بچوں کو نصیحت کرتے ہوئے امام بخاری کے تقوی وطہارت اور پاسداری سنت کا ذکر کیا اور فرمایا کہ نور علم کےحصول کے لیے گناہوں کو خیرآباد کہنا بے حد ضروری چیز ہے کہ بغیر اس کے ہمارے لیے علمی بصیرت اور تقرب الی اللہ ممکن نہیں۔عشاء کے بعد جشن دستار فضیلت کا روح پرور منظر دیدنی تھا۔شہرت یافتہ علماء ومشائخ اسٹیج کی زینت بنے ہوئے تھے ۔دوبارہ حضرت مفتی نظام الدین احمد نوری(خلیفہ حضور تاج الشریعہ وگلزار ملت)نے خصوصی خطاب فرمایا اور عوام وخواص کو اللہ سے تعلق کی مضبوطی اور اعمال صالحہ کی تلقین فرمائی۔صلاة وسلام اور حضرت کی دعاوں پرجلسہ کا اختتام ہوا۔
جلسہ میں مدرسہ کے اساتذہ کے علاوہ خصوصی طور پر شاعر اسلام مولانا محمد انوار رضا مہراج گنج،مشہور صحافی نعیم الدین فیضی برکاتی،شاہ خالد سدھارتھ نگر،عبد القادر نظامی و دانش رضا گورگھ پور کے ساتھ سینکڑوں دانش وروں نے شرکت کی سعادت حاصل کی۔

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

علامہ اسلام الدین انجم فیضی کو علامہ عسجد رضا خان نے خلافت دیا

ردولی شریف/بستی: 25 مارچ، ہماری آواز(نامہ نگار) دارالعلوم مخدومیہ ردولی شریف کی بیالیسویں سالانہ عظیم …

جواب دیں

آپ کا ای میل ایڈریس شائع نہیں کیا جائے گا۔