یادِ غوثِ اعظم رضی اللہ تعالیٰ عنہ

الدال علیٰ خیر کفاعلہ (شیئر کریں)
نتیجہ فکر: سیدشاکرحسین سیفی
صدر شعبۂِ افتاء دارالعلوم محبوب سبحانی
کرلا… ممبئی… انڈیا

اے کلیمِ طورِ عرفاں غوثِ اعظم دستگیر
اے مسیحِ دین و ایماں غوثِ اعظم دستگیر

اک نگاہ ِ لطف و احساں غوثِ اعظم دستگیر
میری ہر مشکل ہو آساں غوثِ اعظم دستگیر

آج تک باقی ہے تیرے تیشۂِ خُلّت کی دھاک
وقت کے آزر ہیں لرزاں ، غوث اعظم دستگیر

کیا ڈبوئے کشتیِ ملت کو طوفانِ بلا
تو ہے جب نوحِ نگہباں غوث اعظم دستگیر

ہر طِلِسمِ غم مٹے ، تیرے عصائے فیض سے
المدد ! موساۓ جیلاں غوثِ اعظم دستگیر

لحنِ داؤودی کی لذت ہے تری ترتیل میں
ہے تلاوت تجھ پہ نازاں غوث اعظم دستگیر

اِس قدر تابندہ ہے تیری ریاضت کا نگیں
صبرِ ایوبی ہے رخشاں غوثِ اعظم دستگیر

عصمتِ یحییٰ کے جلوے ہیں تقدس میں ترے
زُہد کی صبحِ بہاراں غوثِ اعظم دستگیر

شانِ یعقوبی کو تیری ، فضلِ رب سے مل گیا
یوسفِ معراج ِ ارماں ، غوث اعظم دستگیر

قولِ ” وَلّانِی عَلیٰ الاَقطابِ جَمعًا ” ہے گواہ
ہیں ولایت کے سلیماں غوث اعظم دستگیر

اُن کے منہ میں ہیں لعاب ِمصطفےٰ کی برکتیں
کیا ہی اعلیٰ ہیں سخنداں غوثِ اعظم دستگیر

ہر ولی ، ظلِ نبی ہے ، اولیا میں تیری ذات
سایۂِ شاہِ رسولاں ، غوث اعظم دستگیر

ہے تجھے زیبا ” وَلَو اَلقَیتُ سِرِّی ” کا بیان
محرمِ اسرارِ یزداں ، غوث ِ اعظم دستگیر

ہے یمِ زخّار ، تیرا قطرۂِ حکمت اگر
ذرۂِ فن ، ماہِ تاباں غوثِ اعظم دستگیر

آرزوۓ کہکشاں ، تیرے قدم کی دھول ہے
ہےفلک بھی جس کاجویاں غوث اعظم دستگیر

جلوۂِ رخ سے ترے ہوجائے صبحِ زندگی
مسکرائیں دل کی کلیاں غوثِ اعظم دستگیر

ہے ترے آبِ وضو میں اک حیاتِ نو کا راز
ہے یہ رشکِ آبِ حیواں ، غوثِ اعظم دستگیر

آسمانِ فضل کے اعلیٰ افق پر تا ابد
تیرا سورج ہے درخشاں غوث ِ اعظم دستگیر

رب قسم دے کر کھلاتا ہے ، پلاتا ہے تجھے
کس قدر ہے فضلِ رحماں غوثِ اعظم دستگیر

آتے ہیں سلطان بھی در پر ترے بن کر گدا
اور گدا بنتے ہیں سلطاں غوثِ اعظم دستگیر

آپ جب دنیا میں آئے ، تھے اٹھارہ پارے یاد
ماں سےجو سنتےتھےقرآں غو ثِ اعظم دستگیر

باغِ سیفی میں ثنا کے گل یوں ہی کِھلتے رہیں
تا ابد مہکے گلستاں ، غوثِ اعظم دستگیر

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

آنکھ ہےگِریاں ترے لیے

حضرت مفتی نظام الدین نوری نوراللہ مرقدہ کی یاد میں تڑپتے ہوئے دل کی آواز …

جواب دیں

آپ کا ای میل ایڈریس شائع نہیں کیا جائے گا۔