آقاے دو جہاں محبوب خدا ﷺ اپنی عمر مبارک کے اخیر حصے میں صوم وصال رکھتے تھے ۔ ( صومِ وِصال : یعنی سحر و افطار کے بغیر مسلسل روزے رکھنا ) ، یہ دیکھ کر صحابۂ کرام رضی اللہ تعالی عنہم نے بھی اس طرح سے روزہ رکھنا شروع کر دیا ، تو سرکار دو عالم صلی اللہ تعالی علیہ وسلم نے صحابہ کرام سے ارشاد فرمایا
«أَيُّكُمْ مِثْلِيْ ، إِنِّي أَبِيتُ يُطْعِمُنِي رَبِّي وَ يَسْقِينِ» ( بخاري شريف )
ترجمہ : تم میں کون ہے میری طرح ؟ میرا تو حال یہ ہے کہ میں رات گزارتا ہوں اور میرا رب مجھے کھلاتا پلاتا ہے ۔
اب سرکار غوث پاک رضی اللہ تعالیٰ عنہ کا فرمان سنیں ،
قصیدہ غوثیہ شریف میں سرکار غوث پاک رضی اللہ تعالیٰ عنہ کا فرمان ہے ۔
فَمَنْ فِيْ أَوْلِيَاءِ اللّٰهِ مِثْلِيْ
وَمَنْ فِي الْعِلْمِ وَالتَّصْرِيْفِ حَالِيْ
ترجمہ : اللہ کے ولیوں میں کون ہے وہ جو میری طرح ہو ؟ کون ہے وہ جو علم و تصرف میں میرے برابر اور میرے ٹکر کا ہو
سبحان اللّٰہ ، سبحان اللّٰہ
اور سرکار غوث پاک رضی اللہ تعالیٰ عنہ کے کھانے پینے کا حال یہ ہے کہ رب فرماتا ہے :
«یا عبد القادر بحقی علیك كُلْ ، و بحقي عليك اشرب» ( بهجة الأسرار )
یعنی اے عبد القادر! تجھے میرے اس حق کی قسم جو تجھ پر ہے! تو کھا لے ، تجھے میرے اس حق کی قسم جو تجھ پر ہے! تو پی لے
سچ کہا گیا ہے :
غوث اعظم درمیانِ اولیاء
چوں محمد درمیانِ انبیاء
یعنی اولیاء کرام کے درمیان غوث اعظم کا وہی مرتبہ ہے جو مرتبہ انبیاء کرام علیہم السلام کے درمیان حضور ﷺ کا ہے۔
جل جلالہ ، علی نبینا و علیہم الصلوٰۃ و السلام ، رضی اللہ تعالیٰ عنہم اجمعین
ازقلم: محمد شہاب الدین علیمی
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
