نتیجۂ فکر: محمد جیش خان نوری امجدی، مہراج گنج یوپی
جاں اپنی یوں گنوا گئی اک اور عائشہ
سب کو ابھی رلا گئی اک اور عائشہ
سابر متی میں کود کے اپنوں کو چھوڑ کر
دوزخ گلے لگا گئی اک اور عائشہ
سہہ سہہ کے ان کے طعنے شب و روز کیا کرے
گھر کا دیا بجھا گئی اک اور عائشہ
کیا رہ گئی کمی تھی جو پورا نہ کرسکی
مرتے ہوئے بتا گئی اک اور عائشہ
ماں باپ رورہے ہیں اسے ڈھونڈتے ہوئے
نظریں کہاں چھپا گئی اک اور عائشہ
کیوں بیچتے ہو بیٹے کو سونے کے بھاؤ میں
سب کو سبق سکھا گئی اک اور عائشہ
لیتے جہیز کیوں ہوامیری کے نام ہر
الزام یہ لگا گئی اک اور عائشہ
کیسے کروں میں پیار اے نوری بتاؤ تم
ہم کو یہی بتا گئی اک اور عائشہ
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
آسان ہندی زبان میں اسلامی، اصلاحی، ادبی، فکری اور حالات حاضرہ پر بہترین مضامین سے مزین سہ ماہی میگزین نور حق گھر بیٹھے منگوا کر پڑھیں!
