علمِ تصوف اور اَرکانِ اِسلام

الدال علیٰ خیر کفاعلہ (شیئر کریں)

مترجم: مدثر جمال رفاعی تونسوی، پاکستان

توحید:
حضرت سیدی امام احمد رفاعی کبیر رحمۃ اللہ علیہ فرماتے ہیں:
توحید تمام حقائق کا مکھن ، علم و حکمت کی روح ، اور ہر خیر کا خزانہ ہے ، اور توحید کے حصول میں عظمت والا واسطہ بلکہ سب سے بڑا وسیلہ رسولِ رحمت ﷺ ہیں جو حق لائے ، تمام شکوک مٹائے اور دل کے تمام راستے سُدھار دیے ۔
نماز:
نماز دین کا ستون ، اللہ تعالیٰ کے قرب کی سیڑھی ، اور امن اور ایمان کا مضبوط قلعہ ہے ۔ اے بصیرت سے اندھے ! تمہیں نماز کا کیا پتہ ؟! تو تو بس نماز کو اپنی خلوت کی تماش بینیوں اور جلوت کی سخت مزاجی کی طرح سمجھتا ہے ۔
اے اللہ ! ہمیں پناہ دے ایسی سمجھ سے جس کی راہ بند کر دی گئی ہو بلکہ نہ سمجھی کے باوجود سمجھ کے دعوے نے اسے اندھا کر دیا ہو ۔
روزہ:
یہ روزہ دل کے لیے نور ، اور باطن کے لیے صفائی کا سبب ہے ، جو بند فکر کے دروازے کھول دیتا ہے اور اندر کے شیشے پر پڑے گرد و غبار کو ہٹا دیتا ہے ۔
مُردہ دل اور بے نور فہم والا کہتا ہے کہ : یہ بھوک کیا ہے اور کس لیے ہے ؟ جب کہ حکمت والی زبان کہتی ہے کہ : یہ روزہ علوم و معارف کا سرچشمہ ہے ۔
زکوۃ:
یہ زکوٰۃ صالحین کے لیے نیکی ، اور عارفین کے لیے خزانہ ہے جسے حلال کمائی سے حلال طریقے سے اللہ تعالیٰ کی بتائی ہوئی تقسیم کے مطابق خرچ کیا جاتا ہے ، اور یہ زکوٰۃ کا لفظ اپنے تمام معانی کے ساتھ بزبانِ حال صاف صاف یہ کہہ رہا ہے کہ : حلال کماؤ ، اور اسے پسندیدہ طریقے سے تلاش کرو ، یہ زکوٰۃ اپنے مقاصد کی بنیاد پر حکم دیتی ہے کہ تجارت و زراعت اور صناعت اختیار کرو ، نکما پن ختم کرو اور اللہ تعالیٰ کی رضا کے لیے ایک دوسرے کا تعاون کرو ۔
حج:
یہ حج مخلصین کا موسم ہے ، صاحبِ توفیق لوگوں کی تجارت ہے ، الحی القیوم ذات کی بارگاہ میں پیشی کا نمونہ ہے ، اس میں اللہ تعالی کے گھر اور اُس کے نبی ﷺ کی زیارت اور دیگر اللہ تعالیٰ کے پسندیدہ مقامات کی زیارت کے لیے سفر کیا جاتا ہے ۔
(انتخاب از: اسرارُ العبادات للامام الرفاعیؒ)

الدال علیٰ خیر کفاعلہ (شیئر کریں)

About ہماری آواز

ہماری آواز ایک غیر جانب دار نیوز ویب سائٹ ہے جس پر آپ سچی خبروں کے ساتھ ساتھ مذہبی، ملی،قومی، سیاسی، سماجی، ادبی، فکری و اصلاحی مضامین اور شعر وشاعری پڑھ سکتے ہیں۔ یہی نہیں آپ خود بھی ہمیں اپنے پاس پڑوس کی خبریں اور مضامین وغیرہ بھیج سکتے ہیں۔

Check Also

خانقاہی مزاج اپنانے کی ضرورت ہے

خانقاہی نظام(قسط:۲) ازقلم: خلیل احمد فیضانی پہلے زمانے میں خانقاہی مزاج انسان مخلوق خدا کے …

جواب دیں

آپ کا ای میل ایڈریس شائع نہیں کیا جائے گا۔