کابل، 4 فروری (ایجنسی) افغانستان کے صوبہ قندھار میں آج فوج نے کارروائی کرتے ہوئے 15 شدت پسندوں کو مار گرایا جبکہ 3 زخمی ہوگئے۔ جمعرات کو وزارت دفاع نے یہ اطلاع دی وزارت نے ایک بیان جاری کرکے بتایا کہ طالبان عسکریت پسند صوبہ قندھار کے ارغن آباد اور ڈانڈ اضلاع میں جمع ہوگئے تھے اور وہ فوج پر حملے کا منصوبہ بنا رہے تھے۔ فوج اور سکیورٹی فورسز نے فضائیہ کے ساتھ مشترکہ آپریشن کے حصے کے طور پر عسکریت پسندوں کو نشانہ بنایا۔ فوج کی کارروائی میں 15 شدت پسند ہلاک اور تین زخمی ہوگئے۔
کارروائی کے دوران اسلحہ اور دھماکہ خیز مادہ بھی برآمد کیا گیا۔
تازہ ترین مضامین اور خبروں کے لیے ہمارا وہاٹس ایپ گروپ جوائن کریں!
